ნახეთ კალათა0.00

No products in the cart.

მაღაზია

გაჩვენებს 1–20 მთლიანი 101 პროდუქტიდან

  • გაზანია, მრავალწლიანი, უხვად მოყვავილე კომპაქტური მცენარე. ყვავილობს გვიან შემოდგომამდე. გვაქვს სამი ჰიბრიდული ჯიში: gazania big kiss სამი ფერი, სიმაღლე 25 სმ, სიგანე 30 სმ. ამ ჯიშისთვის დამახასიათებელია ყველაზე დიდი ყვავილები 12-14 სმ-ის დიამეტრით და ითვლება ყველაზე უხვად მოყვავილედ. ერთ ძირზე ერთდროულად 20-25 ყვავილს ივითარებს. gazania new day და gazania kiss silver სერიაში არის 6 ფერი, სიმაღლე 25 სმ, სიგანე 25სმ; დიდი 8-9 სმ დიამეტრის ყვავილებით. gazania kiss silver აქვს ვერცხლისფერი ფოთლები. გაზანია არის გვალვაგამძლე, მზის მოყვარული და ფხვიერი ნიადაგის მოყვარული მცენარე. სისტემატურად გადაკრიჭეთ და მოაშორეთ გამხმარი ყვავილები, რომ განმეორებითი ყვავილობაც უხვი ქონდეს. უძლებს 6 გრადუს ყინვას.

    კალათში დამატება
  • კოლეუსის , ანუ ჯინჭარა ყვავილის მოვლა სახლის პირობებში

    მიეკუთვნება ტუჩოსანთა ოჯახს, მოიცავს 150 მდე სახეობას. ბერძნულიდან მისი სახელი ნიშნავს „ფუტლიარს“

    კალათში დამატება
  • პელარგონიუმის უამრავი სახეობა არსებობს. ისინი ერთმანეთისგან განსხვავდება ყვავილის ფერით, ფოთლების ფორმითა და სურნელებით. ზოგი მათგანი ფერადი და სურნელოვანი ფოთლებით ფასობს. პელარგონიუმის ერთ-ერთი სახეობაა სამეფო პელარგონიუმი, რომელიც გამოირჩევა დიდი, სხვადასხვა ფერის ყვავილებით. მისი ყვავილი შეიძლება, იყოს: შავი, ვარდისფერი, წითელი ან თეთრი. ამ მცენარის ასობით სახეობიდან მაინც ყველაზე გამორჩეული „ზონალური“ პელარგონიუმია. მისი პატარ-პატარა ყვავილების კონა ძალიან ეფექტურია და ბინაში კარგადაც ხარობს.

    ამ მცენარისთვის საუკეთესო ადგილია მზიანი ფანჯარა, თუმცა შუადღის მზეს მოარიდეთ ხოლმე, რომ მცენარეს ფოთლები და ყვავილები არ დაეწვას. პელარგონიუმი მთელი წლის განმავლობაში სინათლეზე უნდა იყოს, თორემ შეიძლება, თქვენმა მცენარემ საერთოდ არ იყვავილოს. შეგიძლიათ პელარგონიუმი აივანზე გაიტანოთ. იგი კარგი განათების ქვეშ იქნება და იმავდროულად, მზის სხივებიც ნაკლებად მოხვდება, თუ შესაფერის კუთხეში დადგამთ. თუ თქვენს ბინას აივანი არ აქვს, აუცილებლად მოიძებნება რომელიმე ოთახი, სადაც ნაკლებად შევა შუადღის მზის სხივები. რაც შეეხება ზამთარს, აუცილებლად დადგით მზიან ფანჯარაზე, რადგანაც ზამთრის სხივები არ ავნებს პელარგონიუმს და თავს მშვენივრადაც იგრძნობს ასეთ გარემოში.

    საერთოდ, მცენარეთა მოყვარულები პელარგონიუმს უფრო იმიტომ ახარებენ, რომ ის, სათანადო პირობებში, მთელი წლის განმავლობაში ყვავის და ფერადი ყვავილებითაა დაფარული. თუ კარგად შეურჩევთ განათებულ ადგილს, მორწყავთ მისთვის შესაფერისი რეჟიმით და ტემპერატურასაც კარგად დაურეგულირებთ, გარწმუნებთ, პელარგონიუმი ყოველთვის გაახალისებს თქვენს სახლს ლამაზი და ფერადი ყვავილებით.

    ზაფხულში ეცადეთ, პელარგონიუმს ტენი არ მოაკლოთ. ეს მცენარე დროდადრო სიმშრალესაც აიტანს, მაგრამ მაღალ ტემპერატურაზე, გახსოვდეთ, რომ მას მეტი სინესტე სჭირდება. ნათელ და თბილ ბინაში ზამთრობითაც გააგრძელეთ მორწყვა, თუმცა არა ისეთი ინტენსივობით, როგორც გაზაფხულსა და ზაფხულში. ასე, ხელს შეუწყობთ პელარგონიუმის აყვავებას წელიწადის სხვა სეზონებზეც.

    იმისთვის, რომ მცენარეს კომპაქტური ფორმა ჰქონდეს, კარგად გაკრიჭეთ გაზაფხულზე და უფრო ლამაზი იქნება ზაფხულში. საერთოდ, ეს მცენარე ძალიან მაღალი არ იზრდება, დაახლოებით, 40-50 სანტიმეტრ სიმაღლეს აღწევს. მიწა რეგულარულად გაანოყიერეთ და თუ მცენარეს ყვავილები მოუჭკნა, აუცილებლად მოაშორეთ.

    პელარგონიუმი იოლად მრავლდება. მისი გამრავლება შესაძლებელია ტოტების დაფესვიანებით. მოატეხეთ მცენარეს ერთი ტოტი, ჩადეთ წყალში, ცოტა ხანში ის ფესვს გამოიღებს და შემდეგ გადარგეთ მიწაში. რაც შეეხება ტემპერატურას, მისთვის იდეალურია მთელი წლის განმავლობაში ოთახის ნორმალური ტემპერატურა 18-24 გრადუსი. თუ ზამთარში სინათლე მოაკლდა, სიგრილეში გადადგით, რომ მცენარემ ფორმა არ დაკარგოს.

    კალათში დამატება
  • იმპატიენსი (ბალზამინი) მას ნახევრად ბნელი ადგილები და ხშირი მორწყვა მოსწონს. ულამაზესი ყვავილი აქვს 🌸🌺🏵️ რაც უფრო “ასაკოვანია” ბალზამინი, მით უფრო ხშირი ყვავილედი აქვს.
    მისთვის წყლის შესხურებაც გამართლებული პროცედურაა

    კალათში დამატება
  • კალანხოესთვის პრაქტიკულად ოთახის ყველა ის კუთხე გამოდგება, სადაც ოდნავ მაინც ხვდება მზის სინათლე, რადგან მცენარე ერთნაირად კარგად იზრდება როგორც ნათელ ადგილას, ისე ნახევარჩრდილშიც. მზის პირდაპირი სხივებიც კი ვერაფერს ვნებს. მზის გულზე დიდხანს ყოფნით, შესაძლოა, მხოლოდ ფოთლები გაუწითლდეს. სუკულენტი მცენარეების მსგავსად, კალანხოეც კარგად იტანს დღისა და ღამის ტემპერატურის მონაცვლეობას. აქედან გამომდინარე, ზაფხულობით თავს ყველაზე კარგად გრძნობს აივანზე. თუ მისი აივანზე გატანის შესაძლებლობა არ გაქვთ, მცენარეს ოთახი რეგულარულად გაუნიავეთ. მაღალ ტემპერატურას არც ზამთარში საჭიროებს და მინიმალური მორწყვის პირობებში, 10-12 გრადუსზეც შესანიშნავად გამოიზამთრებს.
    მოვლა
    კალანხოე, როგორც ყველა სუკულენტი მცენარე, სითხეს ფოთლებში იკავებს, ამიტომ ის დიდი ხნის მოურწყველობასაც კარგად უძლებს. თუმცა, იდეალური ვარიანტია – თუ მცენარეს ზომიერად მორწყავთ, ანუ ისე, რომ ფესვებში წყალი არ ჩაუდგეს. საჭიროა, მორწყვის შემდეგ, სადგამზე დაგროვილი წყალიც გადაუღვაროთ. ზამთარში მორწყვა მუნიმუმამდე (10-14 დღეში 1-ჯერ) უნდა შეამციროთ და მორწყვათა შორის მიწას კარგად გამოშრობა უნდა დააცადოთ. რაც მთავარია – კალანხოე წელიწადის ყველა დროს ნადგომი, ძველი წყლით უნდა მორწყათ.
    მიმდინარე ზომა: 24სმ

    კალათში დამატება
  • კვიპაროზი (Cupressus) — მარადმწვანე ხეების, იშვიათად — ბუჩქების, გვარი კვიპაროზისებრთა ოჯახიდან. პირამიდული ან გაშლილვარჯიანი ხეა. აქვს ყავისფერი ქერქი და ჯვარედინ-საპირისპიროდ განლაგებული ქერქლისებრი წიწვები.

    მეტნაკლებად მსხვილი, ბურთის ფორმის გირჩები დარგვიდან მეორე წელს მწიფდება. გვარში 15-20 სახეობაა. გავრცელებულია ევროპისაზიისჩრდილოეთ აფრიკისა და ჩრდილოეთ ამერიკის ზომიერად თბილ სარტყელში. ყირიმშიკავკასიასა და შუა აზიის ზოგ რაიონში კულტივირებულია კვიპაროზის 11 სახეობა.

    საქართველოში 9 სახეობაა შემოტანილი. მათგან უფრო ფართოდაა გავრცელებული მარადმწვანე კვიპაროზი (Cupressus sempervirens). ამ ხის სიმაღლე 30-60 მ აღწევს. ცნობილია მისი ორი ფორმა: პირამიდული და ჰორიზონტული. კვიპაროზი მეზოფიტია, იტანს 20°C-მდე ყინვას, ნიადაგის მიმართ საკმაოდ უპრეტენზიოა.

    კვიპაროზის სამშობლოდ ითვლება ჰიმალაის მთების სამხრეთ კალთები. XIX საუკუნემდე პირამიდულ კვიპაროსს საქართველოში ალვის ხეს ეძახდნენ. ეს სახელი საქართველოში მაზდეანობის გავრცელებას უკავშირდება. სახელი „ალვის ხე“ ანუ „წვის ხე“ თავისი ვიწრო, პირამიდული ჰაბიტუსის გამო, მართლაც, უხდებოდა მარადმწვანე კვიპაროსს, როგორც მაზდეანური სარწმუნოების სიმბოლოს.

    საქართველოში ასევე იზრდება ლუზიტანური, ჰიმალაური, არიზონული და სხვა კვიპაროსები, რომლებსაც იყენებენ ქარსაფარ ზოლებად და დეკორატიულ ბაღმშენებლობაში.

    კვიპაროზის სინონიმია სარო.

    კალათში დამატება
  • კოწახური (Berberis vulgaris) კოწახურისებრთა ოჯახის წარმომადგენელია. არის 3–5 მეტრი სიმაღლის ბუჩქი. აქვს ძლიერი ფესვი და გამერქნებული ფესვურები. ყლორტები მოფენილია წვეტიანი ეკლებით. ნაყოფი წითელი წაგრძელებული ფორმის კენკრაა. ყვავის მაის–ივნისში, დამწიფებას აგვისტო–სექტემბერში იწყებს. მტევნები ბუჩქებზე შუა ზამთრამდე ჰკიდია.

    გავრცელებულია მთის შუა სარტყლამდე, ტყის პირებზე მდინარის ნაპირებზე, ჭალებში, რიყეზე და სხვა. გამძლეა ყინვებისა და გვალვების მიმართ.

    საქართველოს სხვადასხვა კუთხეში კოწახურს სხვადასხვაგვარად უწოდებენ: მაჭი, ცაცხვ, დუცხუ, კავაღი, ცხაცხუ, ცაცხუ, ცხაცხვი, ზესხრა, ფაჩა.

    კალათში დამატება